أسما رؤوف تبرز جمال الفيوم: «أجمل بلاد الله» (صور)
أجرت المرشدة السياحية أسما رؤوف، جولة في محافظة الفيوم، كشفت خلالها أبرز معالم المدينة، والأماكن الأفضل للزيارة فيها.
ونشرت عبر حسابها الرسمي على فيس بوك، صورا من زيارتها للفيوم، حازت إعجاب جمهورها، وتفاعل معها رودا الصفحة، الذين أكدوا في تعليقاتهم أن وجهتهم المقبلة ستكون إلى الفيوم.
وقالت أسماء رؤوف في تعليقها على الصور: “أنا بحب البلد دي أوي.. كنت كاتبه تعليق بقول فيه بلدنا أجمل من أي بلد في الدنيا، فيه حد رد عليا وقال لي ليه ما روحتيش المغرب ولا سويسرا.. أنا معاك والله إن فيه بلاد الطبيعة فيها جنة الله على الأرض وروحت وصورت كل ده قبل كده ولسه هلف في بلاد الله وأصورها”.
وتابعت: “بس بلدنا فيها كل حاجة بمعنى كل حاجة مش طبيعة وبس، جو حلو والحرارة اللي مضيقاك دلوقتي بالنسبة لبلاد كتير الجو ده جنة بالنسبة لهم”.
وأردفت أسما رؤوف: “طبيعة موجود، بحر وشعب مرجانية نادرة موجود، اون بحر كريستالي زي اللي بتسافروله آخر الدنيا موجود، حضارة وآثار موجود، جبال وانهار موجود”.
واختتمت: ” كفاية الوادي الملون وألوان الجبال بس فيه، تسوق موجود، منتجعات وفنادق أجمل من أي مكان ممكن تروح تقعد فيه في بلاد الله الواسعة.. بلدنا فيها روح مش في أي مكان مهما لفيت وروحت وجيت”.
